17 červienia ŭ Baranavičach Natalla Kačanava praviała niečakanuju sustreču ź siabrami inicyjatyŭnych hrup alternatyŭnych pretendentaŭ u kandydaty. Na joj prysutničała kala 30 čałaviek — heta zborščyki podpisaŭ štabaŭ Babaryki, Capkały, Cichanoŭskaj, Dźmitryjeva, apazicyjnyja aktyvisty.
Uražańni adnaho z udzielnikaŭ ad sustrečy možacie pračytać tut:
Novaje śpieczadańnie Kačanavaj: sustrakajecca z prychilnikami apazicyi ŭ rehijonach i vysłuchoŭvaje ich
U internecie źjaviŭsia aŭdyjazapis sustrečy.
«Usio možna vyrašać i treba vyrašać, ale na ŭsio patrebnaja dobraja vola ludziej, jakija b kazali praŭdu, ale kazali praŭdu cyvilizavanym sposabam. My chiba nie cyvilizavanyja ludzi?» — taki pasył prahučaŭ ad staršyni Savieta Respubliki na sustrečy.
Va ŭdzielnikaŭ sustrečy zastałosia adčuvańnie, što dla ich chacieli stvaryć uražańnie, niby da ich prysłuchoŭvajucca — ale tolki ŭražańnie. Inšaje nazirańnie ŭdzielnikaŭ — što ni na adno pryncypovaje pytańnie (prazrysty padlik hałasoŭ na vybarach, źmiena ekanamičnaj palityki, svaboda słova, vyzvaleńnie palitźniavolenych, roŭnaść šancaŭ dla biełaruskaj movy) nie było dadziena kankretnaha adkazu.
