Fota Nadziei Bužan
Palityku Mikałaju Statkieviču i videabłohieru Dźmitryju Kazłovu, viadomamu jak «Šery kot», 8 lipienia vystavili aficyjnaje abvinavačańnie, paviedamiŭ Svabodzie advakat Uładzimir Sazančuk.
Ich abvinavačvajuć pavodle č. 1 art. 342 Kryminalnaha kodeksa «Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich». Im pahražaje da 3 hadoŭ pazbaŭleńnia voli.
Jak paviedamiŭ advakat, ni Statkievič, ni Kazłoŭ svajoj viny nie pryznali.
Mikałaja Statkieviča zatrymali 31 maja, kali jon jechaŭ na pikiet na Kamaroŭku, i adpravili ŭ turmu na Akreścina. Sud dvojčy prysudziŭ jamu pa 15 sutak administracyjnaha aryštu. Statkievič mieŭ vyjści na volu 30 červienia, ale za niekalki dzion da hetaha źjavilisia źviestki, što jaho zatrymlivajuć u kryminalnaj spravie za «padrychtoŭku dziejańniaŭ, jakija hruba parušajuć hramadski paradak» (jak i paplečnikaŭ Cichanoŭskaha).
Dźmitryja Kazłova zatrymali 10 červienia razam z aktyvistami «Jeŭrapiejskaj Biełarusi» za płakaty, vyviešanyja nasuprać suda Pieršamajskaha rajona. 12 červienia jaho asudzili na 20 sutak administracyjnaha aryštu.
