Startavała inicyjatyva «Litara zakonu», jaje aŭtary vybrali 10 artykułaŭ ź biełaruskaj Kanstytucyi, Vybarčaha kodeksa i Kryminalnaha kodeksa i zrabili videa, płakaty, vokładki dla Facebook, Instagram Stories i majki.
Usie vyjavy dastupnyja ŭ dvuch kolerach (čornym i biełym) na ruskaj i biełaruskaj movach. Vy možacie biaspłatna spampavać ich i padtrymać prajekt, raspavioŭšy siabram u sacsietkach i susiedziam pa padjeździe pra biełaruskija zakony.
«Uletku 2020-ha biełarusy chočuć adnaho: kab vybary prezidenta Respubliki Biełaruś prajšli pa zakonach Respubliki Biełaruś. Hučyć paradaksalna, ale našu dziaržavu treba pierakonvać vykonvać ułasnyja zakony. Kali tak, to davajcie zrobim heta pryhoža i hučna. A kali nie atrymajecca, to varta zadumacca: ci źjaŭlajecca zakonnaj ŭłada, jakaja nie vykonvaje zakony svajoj krainy?», — źviartajuć uvahu aŭtary kampanii.
