U rajonnych sudach Minska pačalisia razhlady administracyjnych spraŭ zatrymanych u budynku KDB i kala jaho 28 lipienia. U toj dzień ludzi pajšli tudy, kab stać paručycielami za Viktara Babaryku. Adnak zamiest pryjoma dakumientaŭ ich adpraŭlali ŭ aŭtazaki, piša spring96.org
Tady było zatrymana kala 50 čałaviek, siarod jakich bolš za 10 žurnalistaŭ. Žurnalistaŭ i bolšaść hramadzian adpuścili biez składańnia pratakołaŭ, adnak jak minimum 8 čałaviek pakinuli ŭ izalatary časovaha ŭtrymańnia da suda.
Vyniki sudoŭ nad zatrymanymi kala KDB:
- Dźmitryj Barejčuk. Asudžany sudom Kastryčnickaha rajona na 14 sutak pa art. 23.34 KaAP. Sudździa Rudenka A.
- Juryj Korzun
- Juryj Kuźniacoŭ
- Arciom Karmes. Atrymaŭ 15 sutak pa art. 23.34 KaAP. Sudziła ŭ sudzie Leninskaha rajona sudździa Julija Šut.
- Alaksiej Skrypnik
- Uładzisłaŭ Łuščynski asudžany pa art. 23.34 KaAP na 15 sutak aryštu sudom Frunzienskaha rajona. Sudździa Ała Skuratovič.
- Alaksandr Vasilevič (uładałnik rekłamnych ahienctv Vondel i Hepta) - 14 sutak aryštu. Sudzili Alaksandra u sudzie Frunzienskaha rajona pa art. 23.34 KaAP.
- Uładzimir Ivanoŭ. Atrymaŭ 14 sutak aryštu pa dvuch artykułach - 23.34 KaAP i 17.1 KaAP (drobnaje chulihanstva).
- Viktar Markaŭ asudžany na 15 sutak aryštu sudom Leninskaha rajona. Abjaviŭ haładoŭku.
- Siarhiej Kałamienkin asudžany na 15 sutak aryštu sudom Leninskaha rajona.
- Andrej Łukaševič asudžany pa art. 23.34 KaAP na 15 sutak aryštu sudom Frunzienskaha rajona. Sudździa Julija Bliźniuk.
Uładalniku sajtaŭ Kyky.org i The Village Alaksandru Vasileviču, što pryjšoŭ da KDB z chadajnictvam za Babaryku, dali 14 sutak
0
0
0
0
0
0