Fota Ŭładzia Hrydzina
Milicyja pieraškodziła aktyvistam partyi "Biełaruskaja chryścijanskaja demakratyja" (BCHD) razdać ježu i vopratku biazdomnym la Śviata-Duchava sabora ŭ Minsku.
Jak paviedamiła pres-słužba BCHD, akcyja była zapłanavana na 16 hadzin 23 krasavika ŭ miežach kampanii "Naš adkaz na kryzis".
Za 15 chvilin da pačatku la chrama ź`iaviłasia milicejskaja mašyna.
"Milicyjaniery razahnali ŭsich bamžoŭ. Potym nam udałosia adšukać niekatorych, kab dać im ježu i vopratku. Astatnich ci to zapužali, ci to niekudy źvieźli", — zajaviŭ pradstaŭnik partyi Dzianis Kobrusieŭ.
Rečy, jakija zastalisia ŭ chryścijanskich demakrataŭ, buduć pieradadzienyja ŭ sacyjalny adździeł Minskaj jeparchii.
"Meta akcyi — dać inšym ludziam prykład taho, što dapamahčy bližniamu moža kožny, dla hetaha nie treba mieć šmat hrošaj", — skazaŭ pradstaŭnik BCHD.
Z 21 pa 25 krasavika bolš čym u 30 haradach Biełarusi chryścijanskija demakraty pravodziać sacyjalnyja, dabračynnyja i palityčnyja akcyi "Naš adkaz na kryzis". Hałoŭnaja ideja kampanii — zaklikać biełaruskaje hramadstva ź`iadnacca dziela supraćstajańnia ekanamičnamu kryzisu. Try prapanovy BCHD — ekanomija, dabračynnaść, libieralizacyja.
Nahadajem, partyja imkniecca atrymać rehistracyju ŭ Ministerstvie justycyi.
