Słovy Alaksandra Łukašenki ab tym, što atručvańnie palityka Alaksieja Navalnaha sfalsifikavana, nie adpaviadajuć rečaisnaści. Pra heta RIA Novosti zajavili ŭ pres-słužbie ŭrada Hiermanii.
«Samo saboj, śćviardžeńnie spadara Łukašenki nie adpaviadaje rečaisnaści. Učora fiederalny kancler, ministr zamiežnych spraŭ i ministr abarony vykazali svajo mierkavańnie ab novych abstavinach u spravie ab atručeńnia Navalnaha. Dadać niama čaho», — zajavili ahienctvu ŭ Kabiniecie.
3 vieraśnia na sustrečy z premjer-ministram Rasii Michaiłam Mišuścinym Alaksandr Łukašenka zajaviŭ, što biełaruskaja raźviedka pierachapiła razmovu pamiž Hiermanijaj i Polščaj, ź jakoj vynikała, što atručvańnia Navalnaha nie było. Metaj falsifikacyi nibyta było «adbić achvotu ŭ Pucina sunuć nos u spravy Biełarusi».
Łukašenka paabiacaŭ pieradać rasijskim śpiecsłužbam zapis pierachoplenaj razmovy.