Ministerstva adukacyi sumiesna ź inšymi zacikaŭlenymi prapracoŭvaje źmianieńnie farmatu ŭstupnaj kampanii ŭ BNU ŭ 2022 hodzie, paviedamlajecca na aficyjnym sajcie Ministerstva, piša Interfaks.
«Zamiest vypusknych ekzamienaŭ praduhledžvajecca praviadzieńnie nacyjanalnaha ekzamienu pa dvuch pradmietach, sumieščanaha z centralizavanym testavańniem (CT)», — havorycca ŭ paviedamleńni.
Akramia taho, płanujecca, što vypuskniki škoł buduć zdavać nacyjanalny ekzamien pa ruskaj/biełaruskaj movie (pa vybary), i jašče adzin pradmiet pa vybary (matematyka, fizika, zamiežnaja mova i inšyja), jaki źjaŭlajecca druhim profilnym pradmietam dla śpiecyjalnaści, na jakuju płanujecca pastupleńnie.
Pa zakančeńni škoły vypuskniki buduć atrymlivać:
siertyfikaty CT (nabranyja bały CT pa hetych pradmietach buduć uličvacca šlacham vystaŭleńnia ŭ atestat ab ahulnaj siaredniaj adukacyi);
atestat ab ahulnaj siaredniaj adukacyi z padličanych u im siarednim bałam adznak.
Što tyčycca abituryjentaŭ, jakija skončyli škołu ŭ hetym hodzie, pa žadańni jany buduć zdavać dadatkova CT pa adnym profilnym pradmiecie (matematyka, fizika, zamiežnaja mova i inšyja) dla pašyreńnia mahčymaści vybaru śpiecyjalnaściaŭ dla pastupleńnia.
