Siońnia paśla 8 sutak administracyjnaha aryštu z mahiloŭskaha IČU vyjšaŭ žurnalist partała 6tv.by Aleś Sabaleŭski, piša mogilev.online.
Nahadajem, jon byŭ zatrymany padčas akcyi pratestu ŭ Mahilovie 30 žniŭnia. 1 vieraśnia jaho sudzili za ŭdzieł u niesankcyjanavanym masavym mierapryjemstvie. Sabaleŭskaha prysudzili da 8 sutak aryštu — 6 ź ich jon haładaŭ u znak niazhody z «pravavym samavolstvam».
Pa słovach Sabaleŭskaha, jon adčuvaje siabie dobra. U izalatary jon napisaŭ skarhu na siłavikoŭ, jakija jaho zatrymali i, takim čynam, pieraškodzili vykanańniu žurnalisckich abaviazkaŭ.
Taksama jon paviedamiŭ, što da jaho ŭ izalatar pryjazdžaŭ supracoŭnik Leninskaha RAUS Mahilova i skłaŭ jašče adzin pratakoł za ŭdzieł u niesankcyjanavanym mitynhu — Sabaleŭski vioŭ ź jaho strym 23 žniŭnia.
