Prezident Litvy Hitanas Naŭsieda pravioŭ telefonnuju razmovu z prezidentam Ukrainy Uładzimiram Zialenskim. Baki abmierkavali situacyju ŭ Biełarusi i mahčymaje supracoŭnictva pamiž Litvoj i Ukrainaj u metach deeskałacyi situacyi ŭ Biełarusi.
«My ź lidaram Ukrainy syšlisia ŭ mierkavańni, što dyjałoh pamiž uładaj i hramadzianskaj supolnaściu Biełarusi z metaj pieradačy ŭłady i praviadzieńnia novych, sumlennych i demakratyčnych prezidenckich vybaraŭ pad manitorynham ABSIE źjaŭlajecca tym mirnym šlacham, jaki my bačym jak vychad ź situacyi, jakaja skłałasia», — skazaŭ Hitanas Naŭsieda.
Kiraŭnik Litvy dadaŭ, što jaho kraina hatova ŭziać na siabie viadučuju rolu i stać pasiarednikam pamiž udzielnikami pratestaŭ i ŭładami Biełarusi. Pa słovach Naŭsiedy, heta abaviazak Litvy jak volnaj dziaržavy — člena ES, paciarpiełaha ad represiŭnych i akupacyjnych režymaŭ.
