Ministerstva infarmacyi źviarnułasia ŭ sud z pazovam ab spynieńni vypusku sietkavaha vydańnia TUT.BY. Heta aznačaje, što pa rašeńni suda TUT.BY moža stracić status srodku masavaj infarmacyi, adnak zmoža praciahnuć svaju pracu ŭ jakaści internet-resursu biez statusu ŚMI.
U adpaviednaści ź dziejučaj redakcyjaj zakona ab ŚMI, rehistracyja internet-resursu ŭ jakaści sietkavaha vydańnia nosić dobraachvotny charaktar. Status ŚMI daje niekatoryja pieravahi, u pryvatnaści, mahčymaść na zakonnych padstavach prysutničać u paradku, vyznačanym zakanadaŭstvam Respubliki Biełaruś, u rajonach uzbrojenych kanfliktaŭ ci nadzvyčajnych situacyj, na masavych mierapryjemstvach, u miescach inšych hramadska važnych padziej i pieradavać adtul infarmacyju.
Pasiadžeńnie pryznačanaje na 8 kastryčnika ŭ Ekanamičnym sudzie horada Minska.
Padstavaj dla vystaŭleńnia pazovu źjavilisia raniej vyniesienyja papiaredžańni Ministerstva infarmacyi.
Pačynajučy z 7 žniŭnia 2020 hoda, TUT.BY atrymaŭ čatyry papiaredžańni.
Sietkavaje vydańnie TUT.BY było zarehistravana ŭ studzieni 2019 hoda, da hetaha z momantu zasnavańnia ŭ 2000 hodzie TUT.BY pracavaŭ biez statusu ŚMI.
