Ukraina płanuje dałučycca da sankcyj Jeŭrapiejskaha sajuza suprać Biełarusi. Pra heta ŭ intervju BBC News Ukrajina paviedamiŭ ministr zamiežnych spraŭ Ukrainy Dźmitryj Kuleba.
«Ja chaču pahladzieć na kančatkovaje jurydyčnaje rašeńnie, chto tam u hetym śpisie. Ale tak, my nastrojeny dałučycca da hetych sankcyj, tamu što tut havorka idzie ŭžo ab pytańniach paśladoŭnaści palityki», — zajaviŭ ministr zamiežnych spraŭ.
«Ukraina ličyć, što ŭ hetaj situacyi važna dziejničać adzinym frontam. My robim usio, što ŭ našych siłach, kab dapamahać narodu Biełarusi ŭ hetaj składanaj situacyi», — patłumačyŭ Kuleba.
Jon adznačyŭ, što košt takoj salidarnaści dla Ukrainy našmat vyšejšy, čym dla krain ES abo NATA, bo Ukraina nie znachodzicca pad «parasonam abarony» hetych abjadnańniaŭ, a pašyreńnie ŭpłyvu Rasii ŭ Biełarusi pahražaje ŭkrainskaj biaśpiecy.
