Fota Darji Burakinaj
23-hadovaj Alaksandry Varabjovaj, stylistcy i hieraini «modnaha» fota z žanočaj akcyi pratestu, treba vypłacić 810 rubloŭ štrafu, piša Tut.by.
Dziaŭčynu zatrymali 19 vieraśnia niedaloka ad zabaŭlalnaha centra «Ajśbierh», dastavili ŭ Maskoŭskaje RUUS, paśla składańnia pratakołu adpuścili. Sud razhledzieŭ spravu pa č. 1. artykuły 23.34 KaAP Respubliki Biełarusi siońnia.
— Jak tut haravać, kali ciabie nie pasadzili? Rada, što atrymała tolki štraf, a nie sutki, — kaža Alaksandra. — Ja spadziavałasia na taki vynik i navat nie brała ciopłych rečaŭ u sud.
Dziaŭčyna raspaviadaje, što ŭ pastanovie skazana, što jana ŭdzielničała ŭ niesankcyjanavanym mierapryjemstvie, razmachvała ściaham i kryčała «Žyvie Biełaruś!».
— U realnaści hetaha nie było. Na žanočaj akcyi nichto nie kryčaŭ «Žyvie Biełaruś!». U dzień zatrymańnia ŭ RUUS ja raspaviała śledčamu, što hulała ź siabroŭkaj, i na sudzie kazała pra toje ž i nie pryznavała svaju vinu.
«Siastra spytała: a tabie nie škada było palito?» Historyja dziaŭčyny z fota, jakaja stała ikonaj stylu pratestaŭ
