Trochrazovy pryzior Alimpijskich hulniaŭ Alaksandra Hierasimienia ŭznačaliła Biełaruski fond spartyŭnaj salidarnaści. Hierasimienia pierajechała ŭ Vilniu i ŭžo praviała niekalki sustreč z pradstaŭnikami spartyŭnych asacyjacyj i miascovymi čynoŭnikami.
«Našaj hałoŭnaj zadačaj stanie finansavaja, psichałahičnaja, arhanizacyjnaja i lubaja inšaja dapamoha biełaruskim spartsmienam, jakija paciarpieli ad dziejańniaŭ režymu. Maja rola ŭ fondzie budzie kaardynavać ŭsie napramki raboty Fondu: ad fandrajzinhu da dapamohi spartsmienam. My taksama chočam uzmacnić uzajemadziejańnie ź mižnarodnymi arhanizacyjami i fiederacyjami pa roznych vidach sportu dla taho, kab situacyja z pravami spartsmienaŭ u Biełarusi nie sychodziła ź jeŭrapiejskaha i Suśvietnaha paradku dnia, — zajaviła spartsmienka.
Alaksandra Hierasimienia raniej vykazvałasia suprać falsifikacyi vybaraŭ i suprać hvałtu.
