Z 1 śniežnia 2020 hoda ŭ Biełarusi čakajecca pavyšeńnie piensij pa ŭzroście. Z ulikam hetaj nadbaŭki siaredniaja vypłata dla pažyłych ludziej składzie 513 rubloŭ. Pra heta ŭ efiry ANT zajaviła ministr pracy i sacyjalnaj abarony Iryna Kaścievič.
Jak adznačyła ministr, śniežańskaje pavyšeńnie piensii stanie druhim za hod: z 1 lipienia vypłata była pavialičana na 6%, na stolki ž čakajecca pavysić piensii i z 1 śniežnia.
— Na praciahu hetaha hoda ŭ nas čatyry razy pavyšaŭsia biudžet pražytkovaha minimumu. Ź im u nas źviazanyja tak zvanyja ŭzrostavyja nadbaŭki da piensii, jakija vypłačvajucca hramadzianam 75-ci hadoŭ i bolš. Takim čynam, asnoŭnaja piensija ŭ 2020 hodzie budzie pavyšana dvojčy, i čatyry razy — voś hetyja ŭzrostavyja nadbaŭki, — nahadała Kaścievič.
Z ulikam usich nadbavak u apošnim miesiacy biahučaha hoda siaredniaja piensija składzie 513 rubloŭ.