U Maskvie z 5 śniežnia pačnuć masavuju vakcynacyju ad kavidu. Pieršymi pryščepki zmohuć zrabić nastaŭniki i daktary, paviedamlaje meduza.io.
«Pa ŭzhadnieńni z uradam Rasii, z metaj abkatki vializnaha miechanizmu masavaj vakcynacyi my adkryvajem elektronny zapis na pryščepku dla rabotnikaŭ adukacyi, achovy zdaroŭja ŭsich formaŭ ułasnaści, a taksama dla rabotnikaŭ haradskich sacyjalnych słužbaŭ, pačynajučy z 4 śniežnia 2020 hoda. Pa miery pastupleńnia novych partyj vakcyny pieralik hramadzian, jakija zmohuć pryščapicca ŭ Maskvie, budzie pašyracca», — paviedamiŭ mer Siarhiej Sabianin.
Jak paviedamlajecca ŭ śpiecyjalnym raździele ab biaspłatnaj vakcynacyi na sajcie meryi, dla taho, kab zrabić pryščepku pieršaj rasijskaj vakcynaj «Spadarožnik V», treba być prymacavanym da maskoŭskaj palikliniki, a taksama dać daviedku ź miesca pracy.
