11 śniežnia ŭ sudzie Kastryčnickaha rajonu Harodni abvieščany prysud pa kryminalnaj spravie Mikity Samaryna. Jaho vinavacili u parušeńni 364 artykuła Kryminalnaha kodeksu (Hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ), paviedamlajuć pravaabaroncy.
Spravu razhladaŭ sudździa Rusłan Chichoł. Paciarpieły — supracoŭnik milicyi Siarhiej Bilida.
25 žniŭnia padčas pikietu pablizu Kastryčnickaha RAUS małady čałaviek pasprabavaŭ zastupicca za supracoŭnika AAT «Azot», kali taho sprabavali zatrymać nieviadomyja ŭ cyvilnym. U adnaho ź ich, pa viersii śledstva, Mikita raspyliŭ haz.
Sudździa Chichoł abviaściŭ prysud — čatyry hady abmiežavańnia voli biez nakiravańnia va ŭstanovy adkrytaha typu (chatniaja chimija). Aproč taho, Samaryn pavinien vypłacić paciarpiełamu 500 rubloŭ hrašovaj kampiensacyi.
