Za hadzinu 52-hadovaja maładziečanka zhubiła ŭsie źbieražeńni, jakija źbirała šmat hadoŭ na kvateru. Pryčym prapažu zaŭvažyła tolki praz try tydni. Historyju apisvaje «Rehijanalnaja hazieta».
Supracoŭnik «słužby biaśpieki banka» z žančynaj źviazaŭsia praz Viber. Machlar paviedamiŭ joj ab padazronych apieracyjach i prapanavaŭ uzmacnić abaronu bankaŭskaj karty. Kab u paciarpiełaj nie ŭźnikła sumnieńniaŭ u zakonnaści machinacyj, pradyktavali jaje pašpartnyja źviestki.
Žančyna i paviedamiła ŭsiu infarmacyju: nazvała kody z sms-paviedamleńniaŭ. Pa słovach machlara, apieracyi «pa abaronie bankaŭskaj karty» prajšli paśpiachova.
Paśla razmovy davierlivaja haradžanka vydaliła kantakt surazmoŭcy ź miesiendžara pa rekamiendacyi hetaha rabotnika.
Afiora adkryłasia, kali žančyna vyrašyła pravieryć valutny rachunak i źviarnułasia ŭ bank. U finansavaj ustanovie joj adkazali, što hrošy (26 tysiač dalaraŭ) adsutničajuć.
Pryčym machlary vyvodzili hrošy pakrysie: ad 1500 da 2300 rubloŭ. Tak na praciahu niekalki dziesiatkaŭ apieracyj było śpisana krychu bolš za 65 tysiač rubloŭ.
