BiełTA
Siońnia prajšoŭ samit SND, pravodziŭsia jon u anłajn-farmacie.
Alaksandr Łukašenka padziakavaŭ prezidentu Uźbiekistana Šaŭkatu Mirzijojevu za aktyŭnuju i plonnuju dziejnaść krainy pa staršynstvie ŭ SND. Jon adznačyŭ, što ŭźbiekskim siabram pryjšłosia vykonvać svaju misiju ŭ pałymiana niebiaśpiečnaj abstanoŭcy, paviedamlaje Źviazda
«Ab adnym z pažaraŭ na postsavieckaj prastory, zonie adkaznaści SND tolki što kazaŭ nas siabar, prezident Azierbajdžana. Nie zabyvajcie pra padziei ŭ Biełarusi, Kyrhyzstanie, Ukrainie — siońnia chapaje prablem. Słovam, pažar, dy i tolki!» — dadaŭ jon.
Łukašenka padčas samitu adznačyŭ, što kaliści na postsavieckaj prastory stvaryli šmat intehracyjnych struktur i byli prapanovy niekatoryja ź ich abjadnać ci skaracić.
«Na heta nie pajšli i acharaktaryzavali heta intehracyjnaje budaŭnictva jak roznaŭzroŭnievuju intehracyju. Samy vysoki ŭzrovień, biezumoŭna, u sajuzie Biełarusi i Rasii, Sajuznaj dziaržavie, Jeŭrazijskim ekanamičnym sajuzie i SND. Tady my damovilisia, što budziem źvierchu ŭniz padciahvać uzrovień supracoŭnictva. U dadzienym vypadku razmova idzie pra SND i Jeŭrazijski ekanamičny sajuz, kab u ramkach SND stvaryć taki ž uzrovień supracoŭnictva, chacia b jak u JEAES», — skazaŭ jon.
