U kancy 2020 hoda Nacbank Biełarusi vydaŭ dazvoł na kuplu MTBankam kantrolnaha pakieta akcyj Ideja Banka, jakim ciapier vałodaje Polski Getin Holding. Pra heta paviedamiła ahienctva PAP, piša Tut.by.
U listapadzie minułaha hoda Getin Holding padpisaŭ z MTBankam list ab namierach pradać banku abo źviazanym ź im asobam pakiet akcyj Ideja Banka. Pavodle lista, mierkavałasia pradać 99,999% akcyj za 50 miljonaŭ rubloŭ.
Pra namier pradać biełaruski bank Getin Holding, jaki kantraluje hramadzianin Polščy i Malty Lešak Čarniecki, aficyjna abviaściŭ u siaredzinie 2020 hoda. Heta adbyłosia na fonie paviedamleńniaŭ miascovych ŚMI ab składanaściach u biznesoŭca, jaki vylecieŭ sa śpisu 100 zamožnych ludziej Polščy pa viersii vydańnia Wprost.
Getin Holding nabyŭ biełaruski Sombiełbank u 2008 hodzie. Potym pieranazvaŭ jaho ŭ Ideja Bank. U 2013 hodzie pad kryło palakaŭ pierajšoŭ Biełaruski bank małoha biznesu. Paźniej jon byŭ intehravany ŭ Ideja Bank.
MTBank stvorany ŭ 1994 hodzie. Ciapier jaho kantraluje Alaksiej Aleksin, jakomu taksama naležać tytuniovaja fabryka, apieratar pa handli palivam, łahistyčnaja kampanija, deviełapierskaja firma, IT-kampanija i inšyja.
