pixabay.com
Štohod na ŭčastkach rek, azior i štučnych vadajomaŭ, jakija nie zamiarzajuć, zastajucca zimavać vadapłaŭnyja vidy ptuški (lebiedzi-šypuny, kryžanki i inšyja vidy).
Na dumku śpiecyjalistaŭ-zaołahaŭ, lebiedzi i kački dobra pieranosiać chałodny čas hoda, samastojna znachodziačy sabie pražytak. Tamu mohuć doŭhi čas znachodzicca biez aktyŭnaha ruchu. Ptuški siadziać na lodzie abo na bierazie vadajomaŭ, padcisnuŭšy pad siabie łapy —tak jany ekanomiać enierhiju. Uzimku lebiedzi i kački siłkujucca ŭ asnoŭnym viehietatyŭnymi častkami vodnych raślin, drobnymi račkami, ličynkami nasiakomych, nasieńniem i aktyŭnym hlejem.
Śpiecyjalisty ličać, što padkormlivać lebiedziaŭ i inšych vadapłaŭnych ptušak nieabchodna tolki pry rezkim źnižeńni tempieratury (-15°C i nižej) i tolki ŭ miescach ich masavaha zboru.
Ptušak možna karmić zbožžam (avios, jačmień, pšanica), ptušynym kambikormam, syroj i varanaj harodninaj. Nie rekamiendujecca karmić chlebam, asabliva čornym. Pavodle niekatorych danych, padkormka ptušak chlebam moža akazać niehatyŭny ŭpłyŭ na ich stravavańnie.
