U pryniataj 3 sakavika zajavie vykanaŭčaha kamitetu BKDP havorycca, što BKDP zacikaŭleny ŭ dziejnaści Yara International na biełaruskim rynku, bo kampanija jość «uzoram pavodzinaŭ sacyjalna adkaznaj kampanii», i aproč Yara «nivodnaja z zamiežnych kampanij, jakija pracujuć u Biełarusi, nie kirujecca kodeksam etyki biznesu i nia stavić pierad biełaruskimi partnerami ŭ jakaści biezumoŭnych umovaŭ, nieabchodnych dla dalejšaha praciahu supracoŭnictva, zachavańnie imi pravoŭ čałavieka i pravoŭ pracoŭnych».
Pavodle BKDP, zaniataja kiraŭnictvam Yara pazycyja na pieramovach z administracyjami «Biełaruśkaliju» i Biełaruskaj kalijnaj kampanii ŭžo «pačynaje prynosić svoj plon»: kiraŭnictva «Biełaruśkaliju» «vymušana zajavić pra hatoŭnaść pryniać ekspertaŭ pa biaśpiecy pracy», praciahvajucca «niebiespaśpiachovyja» pieramovy ab adnaŭleńni na pracy ŭdzielnikaŭ strajku, jakija chočuć adnavicca, taksama administracyja pačała vypłaty kampensacyj strajkoŭcam.
U BKDP pierakananyja, što «alternatyvy pryncypovaj pazycyi Yara International niama», a «šalmavańnie kampanii, adniasieńnie jaje da liku pamahatych kiroŭnaha biełaruskaha režymu, nia tolki nie adpaviadaje rečaisnaści, ale i pierachodzić miežy dazvolenaha». U zajavie vykankam BKDP patrabuje spynić «ckavańnie Yara International, manipulacyi hramadzkaj dumkaj, uciahvańnie ŭ kampaniju pa jaje dyskredytacyi hramadzian krainy i zamiežnych dyjaspar» i prynosić prabačeńni kiraŭnictvu Yara.
Taksama ŭ zajavie zaklikajuć inšyja zamiežnyja kampanii, jakija pracujuć u Biełarusi, «rušyć uśled prykładu Yara International i ŭziać za asnovu svajoj prysutnaści ŭ Biełarusi kodeks etyki biznesu, zrabić umovaj praciahu supracoŭnictva ź biełaruskimi partnerami zachavańnie imi pravoŭ čałavieka i pravoŭ pracoŭnych».
