Anton Matolka. Fota Siarhieja Hudzilina
SK pieraličvaje nastupnyja mierkavanyja złačynstvy:
— «masavyja biesparadki»;
— «raspalvańnie sacyjalnaj varožaści pa prykmiecie prafiesijnaj prynaležnaści»;
— «stvareńnie ekstremisckaha farmiravańnia»;
— «dziejańni, nakiravanyja na destabilizacyju sacyjalna-palityčnaj, ekanamičnaj i infarmacyjnaj abstanoŭki ŭ krainie, pryčynieńnie škody nacyjanalnaj biaśpiecy Biełarusi».
Paviedamlajecca, što ŭ najbližejšy čas budzie vyniesiena pastanova ab pryciahnieńni Matolki ŭ jakaści abvinavačanaha pa ŭsich vyšejzhadanych złačynstvach. Paśla čaho jon budzie abvieščany ŭ miždziaržaŭny vyšuk.
Anton Matolka — papularny błohier, viadzie telehram-kanała «Matolka, dapamažy» (135 tysiač padpisčykaŭ). Apošnim časam žyvie za miažoj.
