«Jany raspradali ŭsiu krainu: ziamlu, zavody, party. Jany pieratvaryli kvitniejučuju krainu ŭ piracki banderastan. Vašych dziaciej tavarnymi maštabami pradajuć na orhany, a dziaŭčat ledź nie aficyjna pastaŭlajuć u jeŭrapiejskija bardeli», — zajaviŭ žurnalist u efiry dziaržaŭnaha biełaruskaha kanała.
Na sajcie bazy «Miratvorca» paviedamlajecca, što Ryhor Azaronak źmieščany ŭ jaje za admaŭleńnie rasijskaj ahresii, antyŭkrainskuju prapahandu, pieravyšeńnie słužbovych paŭnamoctvaŭ, umiašańnie ŭ spravy Ukrainy i raspaŭsiud kramloŭskaj prapahandy.
Ale sam Azaronak nie ličyć, što ŭ svaich siužetach niejkim čynam abraziŭ ukraincaŭ.
«Tam niama nivodnaha kiepskaha słova pra ŭkrainski narod! Tam ja zaklikaju zhadać naša vialikaje minułaje, bo Ukraina była kvitniejučym aazisam — kultura, technika, zavody avijabudaŭničyja, porty. I jany ž razburyli heta ŭsio ciapier i pradali. I paprakajuć nas, što my zachavali našy hihanty, nie idziom ekanamičnym šlacham, nie zvalniajem ludziej i hetak dalej.
Tamu ja źviartaŭsia mienavita da zvyčajnaha ŭkrainskaha naroda — prostych narmalnych ludziej Ukrainy, jakich ja taksama vielmi mnohich viedaju. Nijakaj varožaści da ŭkraincaŭ, da našych ludziej, jak kaža naš prezident, my nie adčuvajem tut. Nu a što tyčycca palityčnaha isteblišmienta — davodzicca tak kazać, tamu što niesiabroŭskija kroki iduć ź ich boku, a my adkazvajem», — zajaviŭ Ryhor Azaronak.
