Jeŭrapiejskaje kamandavańnie ŭzbrojenych sił ZŠA pryviało vojski ŭ bajavuju hatoŭnaść samaha vysokaha ŭzroŭniu paśla taho, jak akupanty na Danbasie parušyli režym spynieńnia ahniu i zabili čatyroch ukrainskich vajskoŭcaŭ, a Rasija pačała ściahvać vojski da miažy z Ukrainaj, paviedamlaje Politico.
Pientahon naściarožyła taksama toje, što Rasija na hetym tydni aktyvizuje svaju dziejnaść va Uschodniaj Jeŭropie i Arktycy.
Adkazny za abaronu ZŠA hienierał Hlen Van Chierk adznačaje ŭsplosk rasijskaj ahresii ŭ Danbasie i adznačaje imknieńnie Maskvy «adnavić svoj upłyŭ na suśvietnaj arenie».
Na minułym tydni Jeŭrapiejskaje kamandavańnie amierykanskaj armii ŭ adkaz na razhortvańnie dadatkovych rasijskich vojskaŭ pavysiła ŭzrovień nazirańnia z «mahčymaha kryzisu» da «patencyjnaha nieminučaha kryzisu» — samaha vysokaha ŭzroŭniu.
Pry hetym niekatoryja aficyjnyja asoby ličać, što Rasija ŭ asnoŭnym brazhaje zbrojaj i nasamreč nie maje namieru iści ŭ nastup. Inšyja, naadvarot, miarkujuć, što apieracyja, nibyta pravierka novaha amierykanskaha prezidenta, moža chutka pieraraści ŭ niešta bolš złaviesnaje.