Fota pixabay.com
Zhodna z pracaj daśledčykaŭ z Univiersiteta Paŭnočnaj Karaliny (ZŠA), taja enierhija i ŭzrušeńnie, što my adčuvajem padčas sumburnaj šmatzadačnaj pracy, mohuć dapamahčy pradukavać bolš aryhinalnyja idei. Chutčej za ŭsio, heta pracuje z roznymi typami zadač — ad stvareńnia biznes-płanaŭ da składańnia novych receptaŭ, piša VVS.
Raniej psichołahi stavilisia da šmatzadačnaści vyklučna drenna. Šmatlikija daśledavańni pakazvali, što mozhu ciažka rabić dźvie spravy adnačasova, tamu jon chutka pieraklučajecca pamiž imi, i pry kožnym pieraklučeńni jakaść pracy źnižajecca. Naprykład, kali vy adnačasova pišacie elektronny list i hutarycie pa telefonie, vy časova hublajecie mahčymaść praciahvać razmovu ŭ toj čas, kali niešta drukujecie.
Ale heta — bližejšyja nastupstvy šmatzadačnaści. Tym časam navukoŭcy z Univiersiteta Paŭnočnaj Karaliny vyrašyli razabracca ŭ addalenym upłyvie šmatzadačnaści na pracu i arhanizavali sieryju ekśpierymientaŭ. Padčas pieršaha ź ich udzielnikam treba było adkazać na elektronny list i pryniać udzieł u dystancyjnaj naradzie. Častka z udzielnikaŭ rabiła heta adnačasova, astatnija skončyli pieršaje zadańnie pierad pačatkam druhoha. Paśla hetaha ŭdzielniki daśledavańnia prajšli testy na tvorčyja i analityčnyja zdolnaści.
Inšyja ekśpierymienty vučonych ŭklučali ŭ siabie stvareńnie kreatyŭnych receptaŭ (ich aceńvali prafiesijnyja kuchary) i navat apytanku aficyjantaŭ nakont taho, jak zahružanaść upłyvaje na vyniki ich pracy. Padčas kožnaha z etapaŭ daśledavańnia vyniki byli padobnyja: čym bolš udzielnikam davodziłasia pracavać u režymie šmatzadačnaści, tym bolš enierhičnymi jany siabie adčuvali i, adpaviedna, tym bolš jany byli zdolnyja na stvareńnie novych idej.
Daśledavańnie na tuju ž temu było zroblenaje ŭ Nacyjanalnym univiersitecie Sinhapura. Zhodna ź im, našu kreatyŭnaść moža palapšać tak zvanaja «miedyjnaja šmatzadačnaść» — situacyja, kali my, naprykład, adnačasova praviarajem paviedamleńni ŭ miesiendžary abo hartajem stužku ŭ sacsietcy i pry hetym hladzim telebačańnie. Ale navukoŭcy pryznajuć, što hetaje mierkavańnie pakul nie maje dastatkovaha paćvierdžańnia.
Niahledziačy na ŭsio heta, naŭrad ci nam abaviazkova treba pierachodzić na šmatzadačnaść, bo tak možna tolki atrymać niepatrebny stres. Varta prosta rabić svoj raskład na dzień bolš hnutkim i, naprykład, zajmacca tvorčaj pracaj paśla spraŭ, jakija patrabujuć pracavać šmatzadačna. U dadatak, ciapier my razumiejem, što navat samyja napružanyja pracoŭnyja momanty mohuć davać niešta karysnaje — naprykład, palapšać našu kreatyŭnaść.
