Fota nbcchicago.com
Apoŭdni 13 maja supracoŭniki pažarnaha departamienta Čykaha vyjazdžali na zmahańnie z pažaram u šmatpaviarchoviku. Jany zaŭvažyli, jak u aknie z raźbitaj šybaj siarod dymu źjaviŭsia čorny kot.
Ratujučysia ad pažaru, kot vyciahnuŭ łapy i dakranuŭsia da ściany budynka, a potym vyskačyŭ z akna. Žyvioła pryziamliłasia na travu i, padskočyŭšy, pabiehła preč. Videa z vyratavańniem, raźmieščanaje ŭ akaŭncie pažarnaha departamienta Čykaha ŭ Tvitary, sabrało bolš za 248 tysiač prahladaŭ.
Jak patłumačyŭ Asašyejted pres pradstaŭnik pažarnaha departamienta Łary Łenhfard, kot nie atrymaŭ nijakich traŭmaŭ. Jon zabiŭsia pad mašynu Łenhfarda i prasiadzieŭ tam niekalki chvilin, paśla čaho pasprabavaŭ zaleźci nazad pa ścianie. Ciapier pažarnyja sprabujuć znajści jaho haspadara.
