Raniej kiraŭnik dypłamatyi ES Žazep Barel napiaredadni niefarmalnaj sustrečy ŭ Partuhalii 27 maja paviedamlaŭ ahienctvu Frans Pres, što kiraŭniki MZS ES pry abmierkavańni ekanamičnych siektaralnych sankcyj pa Biełarusi razhledziać pytańni ekspartu kaliju i tranzitu rasijskaha hazu praź Biełaruś.
«Ja dumaju, što my budziem abaraniać našaha partniora Biełaruś, my budziem dapamahać našym sajuźnikam. A toje, što prydumlajuć zachodniki suprać Biełaruś, vyklikaje absalutna niehatyŭnyja emocyi. Tamu što pierš za ŭsio treba pravieści rasśledavańnie taho, što adbyłosia, a potym dumać nad tym, jak na heta reahavać, a nie rabić paśpiešnyja zajavy», — skazaŭ Biryčeŭski.
Pry hetym jon padkreśliŭ, što padychod Maskvy «zaklučajecca ŭ tym, kab nie prymać impulsiŭnych mier». U pryvatnaści, što tyčycca tranzitu rasijskaha hazu, «treba paličyć, jak heta adabjecca na ekanomicy, na najaŭnych kantraktach», dadaŭ jon.
Kamientujučy mahčymaść adkazu ŭ vypadku ŭviadzieńnia sankcyj ES suprać Minska, jakija zakranajuć tranzit rasijskaha hazu, Biryčeŭski adznačyŭ: «My nie možam reahavać na tyja miery, jakija ŭviedzieny ŭ dačynieńni da inšaj krainy, nam treba abmierkavać heta z partniorami i pahladzieć, što my možam zrabić».
