U čaćvier prajšli pieršyja matčy ŭ Lizie Jeŭropy, turniru, jaki zamianiŭ saboj Kubak UEFA. Start u pryniali i dźvie minskija kamandy — «Dynama» i MTZ‑RIPA.
«Dynama» prymała doma makiedonskuju «Renovu», debiutanta jeŭrakubkaŭ. Favarytam sustrečy biezumoŭna ličylisia haspadary, adnak pieršy tajm skłaŭsia zusim nie na ich karyść. Minčanie atakavali, ale nie skarystać pieravahu. A na naprykancy tajmu Biesart Ibraimi vyvieŭ haściej napierad.
U druhim tajmie «dynamaŭcy» ŭsio ž zmahli vyrvać pieramohu. Spačatku hoł ź pienalci pravioŭ Siarhiej Kiślak, a za dźvie chviliny da kanca sustrečy navabraniec kamandy Aleh Strachanovič prynios pieramohu — 2:1.
U čarnahorskim Nikšačy MTZ‑RIPA syhraŭ u ničyju ź miascovaj «Sućjeskaj» — 1:1.Tut biełarusam taksama daviałosia adyhryvacca. U pačatku druhoha tajmu hoł zabiŭ Dražen Miedžedovič. Tolki na 77‑aj chvilinie Anton Bubnoŭ zraŭniaŭ lik.
Matčy ŭ adkaz projduć praz tydzień. Kamandy pamianiajucca placoŭkami.U abodvuch biełaruskich kłubaŭ dobryja šancy na praciah baraćby.
0
0
0
0
0
0
