Pa słovach ministra, aryšt — heta vynik čarhovaj sproby palityčnaha vykarystańnia tak zvanaj «čyrvonaj noty» Interpała, na hety raz biełaruskim režymam. U lipieni jon užo źviartaŭsia da kiraŭnictva mižnarodnaj palicyi, ukazvajučy na nieabchodnaść źmien pa hetym pytańni.
«Čyrvonaja nota» aznačaje najvyšejšy ŭzrovień mižnarodnaha vyšuku i śviedčyć pra toje, što čałaviek, jakoha šukajuć, źjaŭlajecca niebiaśpiečnym złačyncam.
Nahadajem, pa zapycie biełaruskaj prakuratury ŭ Polščy zatrymali biełarusa. Jaho vinavaciać u nibyta najeździe na supracoŭnika DAI.
Makaru Małachoŭskamu 26 hadoŭ, rodam z Haradzišča Minskaha rajona. Jon syn śviatara Andreja Małachoŭskaha, kliryka Śviata-Jelisaviecinskaha manastyra ŭ Minsku. Jak patłumačyli «Našaj Nivie» blizkija chłopca, u Biełarusi na jaho zaviali kryminalnuju spravu za nibyta najezd na supracoŭnika DPS, jaki adbyŭsia 13 žniŭnia 2020 hoda na praśpiekcie Niezaležnaści. Jon abvinavačvajecca pa 364 art. KK RB (Hvałt abo pahroza hvałtu ŭ dačynieńni da supracoŭnika orhanaŭ unutranych spraŭ).
Čytajcie taksama: Pa zapycie biełaruskaj prakuratury ŭ Polščy zatrymali biełarusa. Jaho vinavaciać u nibyta najeździe na supracoŭnika DAI
