Heta byŭ adkaz na zajavu hienieralnaha sakratara NATA Jensa Stołtenbierha 19 listapada ŭ kantekście źmieny kiraŭnictva Niamieččyny, dzie raźmiaščajecca asnoŭny jadzierny arsienał NATA ŭ Jeŭropie, piša ŭ svaim telehram-kanale ekśpiert Jahor Lebiadok.
Stołtenbierh skazaŭ: «Viadoma, Niamieččyna moža vyrašać — ci budzie ŭ joj jadziernaja zbroja, ale alternatyva składajecca ŭ tym, što jadziernaja zbroja apyniecca ŭ inšych krainach Jeŭropy, taksama na ŭschod ad Niamieččyny».
U Rasii varyjantaŭ raźmiaščeńnia taktyčnaj jadziernaj zbroi ŭ Biełarusi istotna bolš, čym u NATA ŭ Jeŭropie, dzie raźmieščany tolki jadziernyja avijabomby B61 (pa adkrytych danych), u toj čas jak u RF jość mahčymaść raźmiaščeńnia jadziernych bombaŭ, apieratyŭna-taktyčnych rakietnych kompleksaŭ ź jadziernaj zbrojaj, a taksama jadziernych bojeprypasaŭ dla artyleryi i navat jadziernych min. Tym samym mahčymaściaŭ chutkaha prymianieńnia takoj zbroi u RF prykmietna bolš na našym teatry vajennych dziejańniaŭ, čym u NATA. Samaloty adsočvaje SPA, a voś, naprykład, artyleryju ź jadziernaj zbrojaj choć i možna adsočvać, ale zrazumieć, u jakoj harmacie jadziernaja zbroja, składaniej, samachodnaja artyleryja (naprykład, SAU 2s3) u takim vypadku pavinna ŭsprymacca jak patencyjny nośbit jadziernaj zbroi, a značyć, treba istotna naroščvać raźviedvalnyja mahčymaści (jakija potym prapahanda budzie padavać jak niedružalubnyja dziejańni Zachadu pa padrychtoŭcy da vajny).
Naturalna, havorka nie idzie ab pieradačy Rasijaj jadziernaj zbroi Biełarusi — heta parušeńnie damovy ab nieraspaŭsiudžvańni jadziernaj zbroi i mieła b nastupstvy dla samoj RF i biaśpieki ŭ śviecie. Jadziernaja zbroja ŭ vypadku raźmiaščeńnia ŭ Biełarusi budzie pad kiravańniem Rasii, heta značyć, Biełaruś realna nijak na jaje ŭžyvańnie nie paŭpłyvaje, jak toje było ŭ pieryjad paśla raspadu SSSR i da raspadu ŭ ahulnym taksama.
Raźmiaščeńnie taktyčnaj jadziernaj zbroi ŭ Biełarusi robić našu terytoryju adnoj z asnoŭnych celaŭ dla naniasieńnia ŭdaru roznymi siłami i srodkami ŭ vypadku vajny z Rasijaj, navat pry dystancyjavańni Biełarusi ad vajny.
Patreby raźmiaščeńnia ŭ Biełarusi jadziernaj zbroi dla RF u kantekście procidziejańnia Polščy asabliva niama. Ź vieraśnia 2020 hoda rasijanie trenirujuć rakietna-bombavyja ŭdary stratehičnymi bambavikami z pavietranaj prastory Biełarusi pa sumiežnych z nami krainach. Dla zabieśpiačeńnia bolšaj nadziejnaści naniasieńnia ŭdaru idzie naroščvańnie SPA ŭ Biełarusi, raźmiaščeńnie rasiejskaha S-400 i inšaha.
Zajavu «Ja, jak ruplivy haspadar ničoha nie razburyŭ [infrastrukturu dla jadziernaj zbroi, jakaja zastałasia z časoŭ SSSR], usie chlavy stajać na miescy» kožny moža pravieryć asabista, prahulaŭšysia pa ramontna-techničnych bazach byłoha SSSR, kab ubačyć, nakolki jany adroźnivajucca ad chlavoŭ. U realnaści infrastruktura zapatrabuje surjoznych vydatkaŭ času i srodkaŭ. Jak i abstalavańnie takich baz u Polščy.
28 listapada Stołtenbierh adnosna svajoj zajavy ad 19 listapada paviedamiŭ: «Niamieččyna budzie praciahvać udzielničać u sumiesnym vykarystańni jadziernych uzbrajeńniaŭ, i tamu heta bolš nie prablema». Tamu, zajava Łukašenki jak minimum zapoźnienaja.
Asabliva charakterna, što 30 listapada ADKB, kudy ŭvachodzić i Biełaruś, zajaviła: «dziaržavy-členy ADKB nastojliva zaklikajuć dziaržavy-udzielnicy Dahavora ab nieraspaŭsiudžvańni jadziernaj zbroi, jakija vałodajuć takoj zbrojaj, abmiežavacca jaje dysłakacyjaj na svaich terytoryjach biez raźmiaščeńnia za miažoj, likvidavać usiu infrastrukturu, jakaja dazvalaje zabiaśpiečyć chutkaje razhortvańnie hetaj zbroi na terytoryi niajadziernych dziaržaŭ».
