Ranicaj u piatnicu Biełaruski dziaržaŭny pamiežny kamitet paviedamiŭ, što polski žaŭnier paprasiŭ palityčnaha prytułku ŭ Biełarusi z-za niazhody z palitykaj Polščy ŭ dačynieńni da mihracyjnaha kryzisu. Uciekačom akazaŭsia 25-hadovy Emil Čečka.
Pa infarmacyi vydańnia, tydzień tamu radavoha Čečku zatrymali dla pravierki supracoŭniki palicyi. Test pakazaŭ, što ŭ jaho było 1,5 pramile ałkaholu. Čečka nie pryznaŭsia palicyi, što jon prafiesijny vajskoviec, tamu vajskovuju palicyju na miesca nie vyklikali. Čečka viedaŭ, što infarmacyja ad palicyi davoli chutka dojdzie da jaho vajskovaj častki, a heta budzie aznačać raźvitańnie sa słužbaj.
«Mahčyma, heta pasłužyła katalizataram rašeńnia ab uciokach u Biełaruś», — skazaŭ vydańniu były supracoŭnik vajskovych śpiecsłužbaŭ.
Ź niekalkich krynic, źviazanych z vajskovymi śpiecsłužbami, vydańnie daviedałasia, što davoli imaviernaja zdahadka, jakaja ciapier razhladajecca, — ab tym, što radavy Čečka niekatory čas byŭ biełaruskim špijonam ci, prynamsi, infarmataram.
Taksama, pa infarmacyi Onet, siastra deziercira ŭ svajactvie z hramadzianinam Biełarusi, i ŭ jaho samoha tut jość siabry.
Adzin z polskich aficeraŭ u intervju Onet skazaŭ, što apieracyju z polskim žaŭnieram mahli padrychtavać biełaruskija śpiecsłužby.
— Čečka pozna ŭviečary pierasiakaje miažu, jamu, viadoma, niechta dapamahaje, a na nastupnuju ranicu jon užo daje intervju biełaruskim žurnalistam. Ja nie sumniavajusia, što heta było padrychtavana, — skazaŭ surazmoŭca.
U efiry dziaržSMI polski sałdat Emil Čečka, što źbieh u Biełaruś 16 śniežnia, zajaviŭ, što byŭ śviedkam dvuch vypadkaŭ zabojstva polskimi siłavikami vałancioraŭ. Taksama jon raspavioŭ, što mihrantaŭ admysłova zabivali polskija žaŭniery. «Adzin patrul braŭ dvuch žaŭnieraŭ, jakija štodnia zabivali hrupu asob, jakija źmiaščalisia ŭ kuzavie vajskovaha hruzavika», — skazaŭ jon.
Vajskovaja palicyja Polščy paviedamiła, što ŭ vieraśni Čečku sudzili za žorstkaje abychodžańnie ź blizkimi (pavodle žurnalistaŭ, jon źbiŭ maci), 12 śniežnia jon byŭ zatrymany za kiravańnie ŭ niećviarozym stanie. Paviedamlajecca taksama, što ŭ chłopca prablemy z ałkaholem i narkotykami.
Troje kiraŭnikoŭ Čečki byli zvolnienyja. Dziejańni byłoha sałdata polskaj armii rascanili jak deziercirstva, jamu pahražaje pazbaŭleńnie voli terminam da dziesiaci hadoŭ.
Polski sałdat, što źbieh u Biełaruś: Nikoli nie było takoj situacyi, kab my pravodzili mihrantaŭ i ich nie zabili
«Heta historyja nie pra situacyju na miažy, a pra kryvavyja fantazii dziaržprapahandy». Frydman — pra dziaržSMI i polskaha sałdata
Sałdat, jaki ŭciok u Biełaruś, zajaviŭ, što polskija vajskoŭcy zastrelili vałancioraŭ, jakija chacieli dapamahčy mihrantam
