«U dzievianostyja ja ŭpieršyniu sutyknuŭsia z ramanam Džordža Orueła «1984». Mienavita pa-biełarusku. Tady ja z palohkaju ŭsprymaŭ heta jak mažlivuju, ale nie ŭmacavanuju ŭ pravach minuŭščynu. Apošnija niekalki hadoŭ, jašče da 2020-ha, ja tolki hety raman i kruciŭ u hałavie. Moža, heta i jość praca majho žyćcia.
Kolkaść pačvarnych supadzieńniaŭ z rečaisnaściu vybiešvaje, razburaje znutry, i razam z hetym zaklikaje instynkt samazachavańnia kazać hučnaje NIE», ‒ kaža Aleh Harbuz, vykanaŭca, režysior i redaktar prajekta.
Kupałaŭcy ličać, što pradstaŭlajuć «sapraŭdy epičny prajekt». Heta pieršaja viersija ramana Džordža Orueła na biełaruskaj movie ŭ aŭdyjafarmacie. Pierakład — Siarhieja Šupy, hałasy — «Kupałaŭcaŭ».
Premjera ŭ troch častkach projdzie ciaham troch viečaroŭ: 19, 20 i 21 śniežnia — na jutub-kanale hrupy. Pačatak u 19:00.
