Kali dałučeńnie da sankcyj Ałbanii, Paŭnočnaj Makiedonii, Čarnahoryi i inšych krain ździŭleńnia nie vyklikaje, to najaŭnaść u śpisie Sierbii dastatkova niečakanaja.
Bo jaje kiraŭnictva — prarasijskaje, dy i sam biełaruski režym zdaŭna mieŭ z hetaj krainaj całkam prystojnyja adnosiny.
Navat u apošnija paŭtara hoda hetyja adnosiny vyłučalisia na ahulnajeŭrapiejskim fonie. I sierbskija, i biełaruskija ŭłady časta publična kazali pra zacikaŭlenaść u zachavańni ŭzajemnych pryjaznych stasunkaŭ. Aficyjnyja biełaruskija ŚMI apošnim časam šmat pisali pra bliskučyja pierśpiektyvy biełaruska-sierbskaha supracoŭnictva, na Sierbiju nie raspaŭsiudžvalisia ŭviedzienyja režymam «kontrsankcyi».
Ale padobna, što jeŭrapiejskija partniory pastavili sierbaŭ pierad vybaram: dobryja adnosiny ź Jeŭraźviazam ci praciah zaihryvańniaŭ ź biełaruskim režymam. I hety vybar, zdajecca, zrobleny nie na karyść režymu.
Šviejcaryja pašyryła sankcyi suprać Biełarusi
Prezident Vučyč: Sierbija zachavaje družbu ź Biełaruśsiu
