Alimbiekava i Soła vystupili nie nadta ŭdała, zrabiŭšy šmat promachaŭ na stralbie (6 i 8 adpaviedna).
U vyniku Hanna — 10-ja (adstavańnie ad pieramožcy 1 chvilina 39,2 siekundy), a Dzinara Alimbiekava — 12-ja (adstavańnie 2 chviliny 1,2 siekundy).
Honku vyjhrała francužanka Žuścin Brejza-Buše z vynikam 40 chvilin 18 siekundaŭ. Druhoje miesca ŭ Cirył Ekchaf (Narviehija, +15,3 siekundy). Bronzu ŭziała narviežka Marta Ołśbiu-Rojsełand (+34,9).
Takim čynam na Alimpijadzie ŭ Piekinie biełaruskija žančyny nie zavajavali nivodnaha miedala. Najlepšaje dasiahnieńnie było ŭ Hanny Soły ŭ honcy pieraśledu (4-je miesca), a Dzinara Alimbiekava była piataj u indyvidualnaj honcy.
A 12-j pačniecca mas-start u mužčyn. Ź biełarusaŭ tam voźmie ŭdzieł Anton Smolski, jaki zavajavaŭ srebra ŭ indyvidualnaj honcy.
