Skrynšot ź intervju
— Čym usio skončycca i kali? — zapytaŭsia Hardon.
— Dva rašeńni zaraz jość. Pieršaje — kali na pieramovach, jakija davoli paśpiachova zaraz prachodziać, moža być usio vyrašana ŭ karotkija terminy. Tydzień-dva. Z vyvadam rasijskaha vojska, jak minimum viartańnie na pazicyi na 23 lutaha.
Abo druhi varyjant — jany nazapasiać reziervy, zrazumiejuć, što nie atrymajecca z nami damovicca, i tady budzie jašče adna sproba nastupu. Jany naskrabuć hetyja 10-15 tysiač vojskaŭ z dapamohaj siryjcaŭ, kucharaŭ, pisaraŭ. Jašče tydzień nam spatrebicca, kab ich pieramałoć. I tady ŭžo ŭsio. Kali pojdzie pa druhim varyjancie — heta moža być da kanca krasavika, to-bok jašče miesiac.
— Na što Ukraina moža pajści na pieramovach, što my hatovyja addać?
— My nie hatovyja addavać ničoha. Jość vielmi dakładnaje razumieńnie, što kali my atrymajem mieniej, čym mieli da pačatku vajny, — dla nas heta paraza. Na parazu nichto tut nie zhodny.
— Pucinu treba niešta pradjavić rasijskamu hramadstvu, kab jaho nie pastavili da ścienki.
— Jamu budzie što pradać. Jany zmohuć vyjści i skazać, što damahlisia demilitaryzacyi Ukrainy. Jany ž realna nanieśli nam straty — heta praŭda. Jon moža pradjavić, što ab dałučeńni da NATA ŭžo niama havorki. Tut usio vielmi prosta, heta nie naša pazicyja, heta NATA nie choča nas prymać. Dla jaho heta vielmi surjozny pakiet.
— Kali rasijanie skažuć: «Pryznajcie Krym, admoŭciesia ad Danbasa ŭ ramkach Danieckaj i Łuhanskaj abłaściej», — my na heta možam pajści?
— Ja nie dumaju, što my na heta pojdziem. Ale jość roznyja miechanizmy. Ja prosta razvažaju. Jość viersija sumiesnaha kiravańnia pad mižnarodnym pratektaratam albo naohuł pad mižnarodnaj administracyjaj niepasredna. Jość šmat varyjantaŭ, ja dumaju, naša dypłamatyja daść rady.
— Kijeŭ my nie zdamo?
— Zaraz apieratyŭnaja abstanoŭka na froncie takaja. Rasijskija kamandziry zrazumieli, što nastupać u piaci miescach u adzin momant — heta vielmi kiepskaja zaduma i kinuli asnoŭnyja siły na Maryupal i Mikałajeŭ. Asnoŭnyja ŭ ich siły na poŭdni, Kijeŭ — praktyčna nikoha nie zastałosia.
Ja jak vajskoviec mahu skazać: im niama čym nastupać na Kijeŭ. Kolki reziervaŭ jany nie naškrebli, nastup na Kijeŭ — heta čystaje samahubstva.
Dziakujučy hieraičnamu supracivu Sumaŭ i źniščeńniu sumskimi partyzanami, terabaronaj, vojskami, cyvilnym nasielnictvam techniki. Jany nie prapuścili na Kijeŭ vielmi vialikija siły voraha. Kali b jany praskočyli, voś tady byli b bai ŭ Kijevie. Toje ž samaje Čarnihaŭ. Jany svaim hieraičnym supracivam spynili voraha — heta ŭsio kijeŭskaja hrupoŭka. Charkaŭ i Charkaŭskaja vobłaść nanieśli im [ruskim vojskam] takija straty, što jany ŭžo z-pad Kijeva byli vymušanyja vojski pierakidać.
Praktyčna možam skazać: Sumam, Charkavu, Čarnihavu i Kijevu zaraz, z vajennaha punktu hledžańnia, niebiaśpieki niama. Zrazumieła, što buduć abstreły, harantavana buduć udary rakietami, ale niebiaśpieki haradskich bajoŭ niama. Prynamsi, da pošuku imi reziervaŭ.
— Jak siabie paviali našyja aliharchi?
— Jany paviali siabie na dziva patryjatyčna. Achmietaŭ u pieršy ž dzień zajaviŭ, što jon na baku ŭkrainskaha naroda, što budzie dapamahać i hetak dalej. Navat Navinski zahavaryŭ pa-ŭkrainsku, zaklikaje zhurtavacca suprać ahresara. Usie chutka zrazumieli, čym niebiaśpiečna być prarasijskim. Ludzi ŭsio bačać i acenku daduć adpaviednuju.
— Ci jość nadzieja, što amierykancy zakryjuć ukrainskaje nieba?
— Ja dumaju, što my zakryjem nieba. Nam prosta patrebnaja zbroja.
— My pieramožam?
— My ŭžo pieramahli, pytańnie ŭ tym jak budzie aformlena našaja pieramoha i ich paraza.
Čytajcie taksama:
Financial Times: Rasija hatovaja vyvieści vojski z Ukrainy
