Fota: chulpanofficial / Instagram
Čutki pra toje, što Čułpan Chamatava emihravała, zjavilisia jašče paru tydniaŭ tamu. U adroźnieńnie ad mnohich kaleh, jana nie stała raspaviadać ab adjeździe jak ab zapłanavanym adpačynku. U intervju dla YouTube-kanała «Skažy Hardziejevaj» Chamatava paćvierdziła, što pierajechała ŭ Ryhu pa palityčnych matyvach.
«Kali ŭsio pačałosia, ja znachodziłasia nie ŭ Rasii. Pieršyja dni kidałasia, dumała, što ž mnie rabić. Spačatku chacieła prosta zatrymacca dzieści, pieračakać, a potym mnie dali zrazumieć, što viartacca niebiaśpiečna. Ciapier ja ŭ Ryzie», — skazała artystka.
Na pytańnie, čamu jana nie viartajecca, Čułpan adkazała:
«Tamu što ja nie zmahu nazyvać čužoje hora, čužy bol, čužuju trahiedyju, humanitarnuju katastrofu čymści ad čahości vyzvalajučym. Ja nie zmahu nazyvać vajnu niejkimi inšymi słovami. I ja bajusia viartacca».
Čułpan Chamatava nazvała «adziny sposab viarnucca ŭ Rasiju i nie sieści ŭ turmu»:
«Heta pierastać kazać, što heta vajna i što heta trahiedyja. Ja nie viedaju, jak nie źviartać uvahu na toje, što ja baču na svaje vočy i pra što atrymlivaju infarmacyju ad svaich ukrainskich siabroŭ, što tam adbyvajecca. Chłusić sabie, chłusić usiamu śvietu, žyć nie pa praŭdzie. Heta ŭ lepšym vypadku. Kali nie prymusiać čornaje nazyvać biełym. Heta značyć, syści ŭ takuju absalutnuju abyjakavaść da ŭsiaho. Paprasić prabačeńnia za toje, što ja nie padtrymała pačatak vajennaj apieracyi. Nu i dalej pa tych praviłach hulni, jakija mnie buduć dyktavać».
Aktrysa kaža, što nie vieryć, kali joj kažuć: viartajciesia, u vas nie budzie prablem: «Ja nie vieru, tamu što prezident majoj krainy kazaŭ usiamu śvietu, što vajny nie budzie».
Taksama Čułpan Chamatova, skazała, što jana dakładna viedaje, što jana nie zdradnica. «Ja vielmi mocna lublu svaju Radzimu», — dadała jana.
«Prosta vyklučyć mozh». Kudy biahuć rasijskija zorki
Imklivaja «biełarusizacyja»: jak za try tydni rasijskija realii stali padobnymi da našych
