Na pytańnie žurnalistaŭ, jak Kreml stavicca da namieru Zialenskaha vynieści niekatoryja pierahavornyja pytańni na ahulnanacyjanalny refierendum i ci pryznaje jaho vyniki, Piaskoŭ adkazaŭ:
«Ukraina — heta suvierennaja dziaržava, i niejkija tam mohuć i, vierahodna, pavinny być ŭnutrydziaržaŭnyja pracedury. Ale akramia hetaha, jość tyja substancyi, jakija znachodziacca na stale pieramoŭ dźviuch delehacyj. Ja nie mahu ŭryvacca ŭ detali hetych substancyj. My pierakananyja, što ŭ ciapierašni momant vyniasieńnie ich na publiku moža tolki paškodzić pieramoŭnamu pracesu, jaki i tak idzie značna pavolniej i mienš źmiastoŭniej, čym nam chaciełasia b».
Piaskoŭ taksama nie staŭ nazyvać datu nastupnaj sustrečy, zajaviŭšy, što «hrafik zusim płavaje, tamu ja nie budu ciapier ŭdavacca ŭ padrabiaznaści».
Pazicyja Rasii na pieramovach z Ukrainaj sfarmulavanaja vusna i piśmova, skazaŭ Piaskoŭ.
«Jany (patrabavańni RF) dobra viadomyja ŭkrainskamu boku. Voś usio, što ja mahu skazać. Jany rastłumačanyja nie tolki vusna, ale i vielmi vyrazna sfarmulavanyja piśmova. Usie nieabchodnyja prajekty dakumientaŭ dosyć šmat dzion tamu byli pieradadzienyja ŭkraincam», — skazaŭ Piaskoŭ. Pry hetym jon admoŭna adkazaŭ na pytańnie ab tym, ci možna čakać, što hetyja prajekty dakumientaŭ buduć apublikavanyja.
Havoračy ab tym, ci atrymany na hetyja dakumienty adkaz Kijeva, Piaskoŭ udakładniŭ, što na niejkija ź ich ukrainski bok adkazaŭ, na niejkija — nie.
«Ale my, biezumoŭna, chacieli b bolš źmiastoŭnaha i bolš apieratyŭnaha adkazu kožny raz», — skazaŭ jon.
