Na siońnia ad patreby nie chapaje čverci nasieńnia.
Pavodle Bryło, nasieńnie cukrovych burakoŭ u Biełaruś, u asnoŭnym, viazuć ź Jeŭropy — Hałandyi i Hiermanii. Ale siońnia navat biez sankcyj jeŭrapiejskija biźniesy dobraachvotna admaŭlajucca ad pastavak ŭ Biełaruś jak sajuźnika krainy-ahresara. Ci atrymaje kraina nasieńnie?
Bryło ličyć, što tak, bo biźniesmienam, jakija pastaŭlali siudy nasieńnie, treba karmić svaje siemji.
«U jeŭrapiejskich krainach ža nie ŭsie palityki, tam taksama jość biźnies. Ludzi, jakija zajmajucca hetym biźniesam. I ŭ składany čas usie ŭklučajuć mazhi, niejki ŭnutrany rezierv, jak vykanać pastaŭlenuju zadaču. Kožnamu treba karmić svaju siamju, u tym liku, i tym biźniesmienam, jakija pastaŭlali siudy nasieńnie. Znachodziacca roznyja šlachi: chtości viazie praź Litvu, chtości viazie praz Małdovu, praz Rasiju. Nam roźnicy niama. Nam hałoŭnaje, kab nasieńnie trapiła ŭ krainu, my apłacili, spakojna pasiejali i atrymali ŭradžaj», ‒ skazaŭ jon.
Niedastatkovaja častka nasieńnia burakoŭ zakantraktavana i budzie ŭ našaj krainie, zapeŭniŭ ministr sielskaj haspadarki i charčavańnia Biełarusi Ihar Bryło.
