U noč na 14 krasavika dźvie ŭkrainskija rakiety «Niaptun» patrapili ŭ fłahman Čarnamorskaha fłotu Rasii z samym mahutnym uzbrajeńniem — krejsier «Maskva».
Forbes raźličyŭ prykładny košt hetaha karabla, paraŭnaŭšy «Maskvu» z krejsieram taho ž kłasa «Ukraina», jaki ŭ 1995 hodzie kaštavaŭ 720 młn dalaraŭ.
U 2020 hodzie krejsier ramantavali. Košt ramontu dakładna nieviadomy, ale ŭ spasyłcy na navinu pra ramont ad dziaržaŭnaj «Krymskaj haziety» paznačanaja suma 30 młrd rubloŭ, abo 363 młn dalaraŭ pa kursie na 14 krasavika; u samim tekście hetaj sumy niama.
Uvieś ekipaž, štatnaja kolkaść jakoha składaje 500—760 čałaviek, byŭ evakujavany, pišuć rasijskija ŚMI, spasyłajučysia na Ministerstva abarony Rasiei. Poŭnaja evakuacyja budzie aznačać, što karabiel nielha budzie pakinuć na płavu i jon budzie patopleny.
Da taho, jak ukrainskija vojski pacelili ŭ «Maskvu», samaj darahoj strataj dla Rasii byŭ vialiki desantny samalot Ił-76. Jahony košt — 86 młn dalaraŭ. Uvohule ž ukrainskaja armija ŭžo nibyta źniščyła 160 samalotaŭ na 3,8 młrd dalaraŭ.
Paśla Ił—26 pa acenačnym košcie išoŭ vialiki desantny karabiel «Sarataŭ» — 75 młn dalaraŭ. Ukrainskija siły nanieśli pa im udar 24 sakavika. Heta byŭ pieršy bajavy karabiel RF, jaki zajšoŭ u akupavany port i dastaviŭ vajskovuju techniku akupantaŭ, uklučajučy bajavyja braniavanyja mašyny.
Uvohule z pačatku paŭnamaštabnaha ŭvarvańnia, pa raźlikach Forbes, Rasija straciła techniki bolš čym na 10,8 młrd dalaraŭ. USU pieratvaryli jaje ŭ mietałałom, košt jakoha Forbes aceńvaje ŭ 45 młn dalaraŭ.
Čytajcie taksama:
Ekśpiert: Udar pa «Maskvie» maje simvaličnaje i vajennaje značeńnie
Ukraincy źniščyli fłahman Čarnamorskaha fłotu — rakietny krejsier «Maskva»
