Sudździa Alena Miśnik pryznała ich vinavatymi pavodle č. 1 art. 342 i č. 3 art. 361-1 Kryminalnaha kodeksa i ahučyła nastupnyja pryhavory: Alaksandru Białovu, Jaŭhienu Rubašku, Arciomu Dźmitryjeviču Sałaŭju — pa piać hadoŭ pazbaŭleńnia voli ŭ kałonii ahulnaha režymu, Arciomu Siarhiejeviču Sałaŭju — 4,5 hoda pazbaŭleńnia voli ŭ kałonii ahulnaha režymu, paviedamlaje «Viasna»
Kančatkovaje pakarańnie pryznačanaje šlacham častkovaha składańnia pryhavoraŭ pavodle dvuch artykułaŭ. Pavodle č. 1 art. 342 Alaksandru Białovu, Jaŭhienu Rubašku, Arciomu Dźmitryjeviču Sałaŭju pryznačana pa 2,5 hoda pazbaŭleńnia voli, Arciomu Siarhiejeviču Sałaŭju — 2 hoda pazbaŭleńnia voli ŭ kałonii ahulnaha režymu. Pavodle č. 3 art. 361-1 kožnamu pryznačanaje pakarańnie ŭ vyhladzie pazbaŭleńnia voli terminam na 4 hady.
Isk «Minsktransa» budzie vyłučany ŭ asobnuju hramadzianskuju vytvorčaść.
Nahadajem, sud nad palitźniavolenymi raspačaŭsia 29 sakavika, adnak praz 20 chvilin paśla pačatku pracesa pasiadžeńnie zrabili zakrytym pa chadajnictvie prakurora Alaksandra Ramanoviča.
Stała viadoma taksama apošniaje słova Jaŭhiena Rubaški:
«…Chtości vybiraje ŭpisać svaje imiony ŭ historyju palityčnych represij. I kali kamuści datyčnamu da ich budzie ikacca, to viedajcie, što vašyja imiony ŭspaminajuć palitviaźni, jakija siadziać, a ź imi ich rodnyja i blizkija, a ź imi — i ŭsia kraina.
I apošniaje słova nie budzie skazanaje da tych časoŭ, pakul usie nie buduć volnyja!»
Čytajcie taksama:
IT-śpiecyjalist, hieadezist i dva poŭnyja ciozki: u Minsku sudziać aktyvistaŭ anarchisckaha ruchu
