Taćciana Runiec. Fota «Minsk-naviny»
U Biełarusi na ŭzroŭni ŭrada rychtujuć dakumient dla abarony ajčynnych pradpryjemstvaŭ va ŭmovach sankcyj. Pra heta na pasiadžeńni «Deputackaha kłuba» raspaviała deputat Taćciana Runiec, pišuć «Minsk-Naviny».
— U jakim vyhladzie budzie hety dakumient, pakul skazać nielha. Ale hetaje pytańnie razhladajecca na ŭsich uzroŭniach. Havorym i pra toje, kab nie naličvać amartyzacyju, kursavyja roźnicy, mahčyma, pra amnistyju kapitału i šerah inšych mier. Ab usich niuansach kazać rana, pakul heta jašče dyskusijnyja pytańni, u režymie «DSK» (dla słužbovaha karystańnia), — skazała Runiec.
Pavodle jaje słoŭ, situacyja z sankcyjami niaprostaja, ale abmiežavańni — heta jašče i «mahčymaści, jakija adkryvajucca pierad našaj krainaj».
