Fota z sacsietak
Siońnia telehram-kanały, źviazanyja z HUBAZiKam, paviedamili pra zatrymańnie 21-hadovaha studenta Alaksandra Bujlickaha. Jon navučaŭsia na 4 kursie śpiecyjalnaści «Biznes-administravańnie» Instytuta biznesu Biełaruskaha dziaržaŭnaha ŭniviersiteta.
Viadoma, što chłopiec vučyŭsia vielmi dobra. Na CT jon nabraŭ 353 bały, nie zajmajučysia z repietytarami (chadziŭ tolki na kursy matematyki). Taksama jon śviadoma abraŭ śpiecyjalnaść, rychtujučysia pastupać bolš, čym za hod.
Alaksandr vioŭ biełaruskamoŭny Tvitar pad niknejmam @BuyLitSky. Usie inšyja jahonyja staronki ŭ sacsietkach taksama vialisia na biełaruskaj movie.
Na sajcie BDU chłopiec siarod aktyvistaŭ studsajuza Instytuta biznesu. Paviedamlajecca, što jon «arhanizatar kłuba intelektualnych hulniaŭ Liha Biznesu».
Zhodna ź infarmacyjaj ad siłavikoŭ, jaho vyličyli praz aryšt administrataraŭ adnaho z čataŭ. Jamu inkryminujuć dva kryminalnyja artykuły, ale nie paviedamlajuć, jakich mienavita.
