Fota: AR
Hetyja vypadki byli zafiksavanyja z 13 maja ŭ krainach Jeŭropy, ZŠA, Kanadzie i Aŭstralii. Bolš za ŭsio zachvarełych — u Partuhalii, Vialikabrytanii, Ispanii.
Nivodnaj śmierci pakul zafiksavana nie było.
Suśvietnaja arhanizacyja achovy zdaroŭja paviedamlaje, što bolšaść vypadkaŭ (ale nie ŭsie) vyjaŭlenyja siarod mužčyn, što mieli pałavyja kantakty z mužčynami i źviarnulisia ŭ kliniki piarvičnaj miedyka-sanitarnaj dapamohi i seksualnaha zdaroŭja.
Vospa małpaŭ maje simptomy, vielmi padobnyja na tyja, jakija naziralisia ŭ minułym u chvorych na vospu, choć klinična i mienš ciažkija. Jana najbolš raspaŭsiudžanaja ŭ Zachodniaj i Centralnaj Afrycy.
Virus vospy małpaŭ pieradajecca ad adnaho čałavieka da inšaha pry ciesnym kantakcie z paškodžańniami, vadkaściami arhanizma, dychańniem i zabrudžanymi materyjałami, takimi jak paścielnaja bializna. Inkubacyjny pieryjad vospy małpaŭ zvyčajna składaje ad 6 da 13 dzion, ale moža varjiravacca ad 5 da 21 dnia.
Zachoŭvajecca niavyznačanaść u dačynieńni da historyi virusa vospy małpaŭ, i nieabchodnyja dalejšyja daśledavańni dla vyznačeńnia taho, jak padtrymlivajecca cyrkulacyja virusa ŭ pryrodzie. Užyvańnie ŭ ježu niedastatkova pryhatavanaha miasa i inšych praduktaŭ žyviolnaha pachodžańnia infikavanych žyvioł źjaŭlajecca mahčymym faktaram ryzyki.
Vospa małpaŭ u Jeŭropie. Ci pahražaje nam čarhovaja epidemija?
