Amnesty International vyjaviła ŭ Charkavie abłomki kasietnych bojeprypasaŭ 9N210/9N235. Daśledniki taksama vyjavili šmatlikija skoły na ziamli, jakija adpaviadajuć śladam ad kasietnych bojeprypasaŭ 9N210/9N235, paviedamlaje Amnesty International.
Daktary dźviuch charkaŭskich balnic pakazali daśledčykam Amnesty International hranuły, jakija jany vyniali z paciarpiełych u vyniku abstrełu kasietnymi bojeprypasami.
Amnesty ŭ svajoj spravazdačy nahadvaje taksama pra zvyčajnyja niekiravanyja artsnarady, adchileńnie jakich ad celi moža składać da sta mietraŭ.
Pravaabaroncy kažuć, što žyłyja rajony Charkava padviarhalisia abstrełam i bambardziroŭkam ź pieršaha dnia vajny, i za dva miesiacy bieśpierapynnych udaraŭ jany nanieśli maštabny ŭron horadu z nasielnictvam u 1,5 młn čałaviek.
Kasietnyja bojeprypasy pradstaŭlajuć saboj kantejnier, jaki źmiaščaje dziasiatki subbojeprypasaŭ. Jany raskidvajucca na zadadzienaj vyšyni nad ziamloj. Vysoki pracent subbojeprypasaŭ nie vybuchaje pry ŭdary, i takim čynam faktyčna pieratvarajecca ŭ naziemnyja miny.
Prymianieńnie (a taksama vytvorčaść, nazapašvańnie, prodaž abo pieradača) kasietnych bojeprypasaŭ zabaronienaja mižnarodnym pravam.
Čytajcie taksama:
Rasija vykarystoŭvaje kasietnyja bojeprypasy va Ukrainie. Čamu jany takija niebiaśpiečnyja
