Fota ilustracyjnaje
Transpartnaja fiederacyja DI Transport (Danija) adreahavała na zajavu ministra transpartu krainy Tryne Bramsen adnosna kiroŭcaŭ hruzavikoŭ z trecich krain. Ministr zajaviła, što pracaŭładkavańnie vialikaj kolkaści kiroŭcaŭ z krain, jakija nie ŭvachodziać u Jeŭrasajuz, moža surjozna skazić kankurencyju i pryvieści da paharšeńnia ŭmoŭ pracy.
U adkaz na hetyja kamientary, a taksama na zaklik ministra abmiežavać nabor kiroŭcaŭ z trecich krain, DI Transport papiaredziła, što abmiežavańnie pracaŭładkavańnia hetych kiroŭcaŭ budzie mieć «surjoznyja nastupstvy dla transpartnaj haliny».
U DI Transport ličać, što ES maje patrebu ŭ śpiecyjalistach z trecich krain z-za niedachopu kiroŭcaŭ.
Kiraŭnik adździeła transpartnaj palityki DI Transport Rune Naak adznačyŭ, što kali buduć uviedzienyja dadatkovyja abmiežavańni, hruzavikam pryjdziecca prastojvać, tamu što nie budzie kiroŭcaŭ, jakija mahli b imi kiravać. Pavodle jaho słoŭ, heta ŭskładnić dastaŭku tavaraŭ u krainy ES i zrobić ich daražejšymi.
U DI Transport spasłalisia na niadaŭniaje daśledavańnie Transport Intelligence, u jakim havorycca, što ŭ 10 jeŭrapiejskich dziaržavach u sukupnaści nie chapaje 425 tysiač kiroŭcaŭ.
