Pieršy sud nad Barysam adbyŭsia 16 traŭnia — sudździa Volha Balika asudziła jaho da 15 sutak aryštu za «raspaŭsiudžvańnie ekstremisckich materyjałaŭ» (art. 19.11 KaAP). Potym mužčynu znoŭ aryštavali na 15 sutak pa hetym ža artykule.
Na minułym tydni Žachoŭskaha asudzili treci raz zapar. Hetym razam sudździa Zinaida Bałabołava pryznała Barysa vinavatym u «niesankcyjanavanym pikietavańni» (art. 24.23 KaAP) i aryštavała na 15 sutak.
Viadoma, što 12 dzion tamu Barys abviaściŭ suchuju haładoŭku. Učora jaho naviedaŭ advakat — Žachoŭski praciahvaje haładoŭku, ale pačaŭ pić vadkaści. Pieryjadyčna jaho stan kantralujecca śpiecyjalistami chutkaj miedycynskaj dapamohi.
Termin aryštu Barysa zakančvajecca 28 červienia i rodnyja spadziavajucca, što jon vyjdzie na volu.
Vy možacie padtrymać Barysa: CIP, vuł. Dziaržynskaha, 2, Navapołack, Viciebskaja vobłaść, 211443.
