Pavieł Karnavuchaŭ. Fota: Zurab Džavachadze / IŹVIESTIJA
Orhany padazrajuć, što ŭ 2017 hodzie Karnavuchaŭ kupiŭ vajskovy bilet praz znajomaha byłoha palicejskaha Faryta Samihulina, jakoha zatrymali ŭ krasaviku 2022 hoda za toje, što jon dapamahaŭ spartoŭcam paźbiehnuć słužby ŭ vojsku.
Samihulin, jaki žyŭ va Ufie, dapamahaŭ futbalistam adnajmiennaha kłuba i hulcam chakiejnaha «Sałavata Jułajeva» paźbiehnuć vojska. Praŭda, Karnavuchaŭ hulcom ufimskaj kamandy nikoli nie byŭ.
Miarkujecca, što vajskovy bilet abyšoŭsia napadajučamu CSKA ŭ 37 tysiač rasijskich rubloŭ (na dadzieny momant heta 650 dalaraŭ).
Karnavuchaŭ naradziŭsia i vyhadavaŭsia ŭ Minsku, jon vychavaniec staličnaj chakiejnaj škoły «Junactva». U červieni 2020-ha jon pierapadpisaŭ kantrakt z CSKA na try hady. Byŭ uładalnikam Kubka Haharyna i čempijonam Rasii, siarebranym pryzioram Alimpijskich hulniaŭ u Piekinie-2022 sa zbornaj Rasii.
