U Minfinie zajaŭlajuć, što «Biełaruś prymaje aktyŭnyja miery pa narmatyŭnym urehulavańni pytańniaŭ ab praviadzieńni raźlikaŭ pa jeŭraablihacyjach, vymušana funkcyjanujučy ŭ biesprecedentnych sankcyjnych umovach».
U viedamstvie ŭdakładniajuć, što asobnyja mižnarodnyja rejtynhavyja ahienctvy pryznali:
— składanaści z vypłatami nosiać techničny charaktar, źviazanyja z zachodnimi sankcyjami suprać Biełarusi;
— biełaruskija ŭłady prykładajuć usie namahańni dla ažyćciaŭleńnia vypłat inviestaram;
— kraina zdolnaja i hatovaja vykonvać uziatyja na siabie finansavyja abaviazacielstvy ŭ poŭnym abjomie i va ŭstanoŭlenyja terminy.
«Niekatorym ahienctvam, vidavočna, praściej zajmać pazicyju, pry jakoj lubyja dziejańni biełaruskaha boku buduć pryznanyja jak «nieadpaviednyja vyznačanym umovam», — zajaŭlajuć u Minfinie. —Składvajecca paradaksalnaja situacyja. Jość emitent — Ministerstva finansaŭ, jakoje hatovaje pracavać z uładalnikami napramuju, kab vykanać abaviazacielstvy, niahledziačy na najaŭnyja abmiežavańni pa praviadzieńni płaciažoŭ praź mižnarodnyja apłatnyja sistemy. Taksama jość sami ŭładalniki jeŭrabondaŭ, jakija prajaŭlajuć adkrytaść u pracy z emitentam pa realizacyi svaich pravoŭ.
Adnak jość i trecija asoby, dziejańni jakich dakładna nacelenyja na vykarystańnie štučnych defołtnych źjaŭ, prytrymlivajučysia hienieralnaj linii Zachadu».
U Minfinie ličać, što «nie ŭsie» niezaležnyja «mižnarodnyja rejtynhavyja ahienctvy siońnia zabiaśpiečvajuć u svaich acenkach hetuju niezaležnaść, abjektyŭnaść, paŭnavartasny ŭlik usich faktaraŭ».
«Ministerstva finansaŭ pierakananaje, što ŭ niestandartny čas niemahčyma abmiažoŭvacca standartnymi praktykami i mietrykami, a mierkavańni asobnych rejtynhavych ahienctvaŭ ab defołcie pavinny być dastasavalnyja da zachodniaj infrastruktury, jakaja nahladna prademanstravała svaju indyfierentnaść da inviestaraŭ», — zajaŭlajuć u viedamstvie