Niezaležnyja ekśpierty vystupili z žorstkaj krytykaj aficyjnaha prajektu acenki ŭździejańnia budučaj Biełaruskaj AES na asiarodździe.
Pradstaŭniki hramadskich arhanizacyj i niezaležnyja ekśpierty vystupili z krytykaj dakumienta, što acenvaje ŭździejańnie atamnaj elektrastancyi na asiarodździe, jaki źjaviŭsia na sajtach biełaruskich ministerstvaŭ enierhietyki i pryrodnych resursaŭ. Adno z hałoŭnych narakańniaŭ —
raspracoŭščyki navat nie razhladajuć mahčymaść avaryi.
Jury Varoniežcaŭ, jaki koliś byŭ adkaznym sakratarom u kamisii Viarchoŭnaha Savieta SSSR pa razhladzie nastupstvaŭ čarnobylskaj katastrofy, zaznačyŭ pry acency dakumienta, što ŭ vypadku avaryi ŭ zonu adsialeńnia mohuć patrapić, jak biełaruskaja, tak i litoŭskaja stalicy.
— Adlehłaść miž Čarnobylskaj stancyjaj i miž krajnim adsielenym nasielenym punktam bolš za 250 km. Ujavicie sabie, kali, barani Boža, niešta zdarycca na samym nadziejnym u śviecie reaktary, to ŭ zonie adsialeńnia mohuć apynucca takija harady, jak Miensk, Vilnia, Koŭna i šmat mienšych haradoŭ. Atamščyki ličać avaryju nierealnaj, ale jaje vierahodnaść treba razhladać, bo
patrebny ŭsiaho adzin teraryst-śmiarotnik albo padzieńnie pasažyrskaha samalota.