Fota ilustracyjnaje
Jak paviedamlałasia, kali na 1 vieraśnia ŭ stalicy było zarehistravana 23 pryvatnyja ŭstanovy adukacyi, to ŭžo praz dva tydni 8 pryvatnych škoł, dzie navučałasia kala 500 dziaciej, spynili svajo isnavańnie. Jašče 12 pryvatnym navučalnym ustanovam vypisali pradpisańni ab spynieńni dziejnaści.
Pa słovach pieršaj namieśnicy staršyni Kamiteta pa adukacyi Minharvykankama Ludmiły Barysienka, častka pryvatnych ustanoŭ nibyta nie zmahli zabiaśpiečyć biaśpiečnyja ŭmovy znachodžańnia dziaciej.
«Niekatoryja pryvatnyja ŭstanovy adukacyi stali arhanizoŭvać navučańnie dziaciej z vykarystańniem infarmacyjna-kamunikacyjnych technałohij. Na siońnia, u adpaviednaści z Kodeksam ab adukacyi, dystancyjnaja forma dla ŭstanoŭ ahulnaj siaredniaj adukacyi nie praduhledžanaja.
Heta ŭvodzić baćkoŭ u zman. Naša zadača prainfarmavać zakonnych pradstaŭnikoŭ navučencaŭ, prapanavać im navučańnie ŭ dziaržaŭnych ustanovach adukacyi, dzie my možam harantavać i biaśpieku, i jakaść navučalnaha pracesu», — paviedamiła jana.
Pradstaŭnica Minharvykankama adznačyła, što dla pieravodu dziciaci ŭ dziaržaŭnuju škołu zakonnyja pradstaŭniki ŭ pieršuju čarhu mohuć źviarnucca ŭ najbližejšuju ŭstanovu. Dyrektary dziaržaŭnych ustanoŭ adukacyi, maŭlaŭ, papiaredžanyja i prymuć dzicia.
U paniadziełak Minadukacyi anansavała, što ŭ najbližejšyja dni čakajecca pryniaćcie zakona ab licenzavańni, jaki dazvolić «mieć usie nieabchodnyja instrumienty, kab navieści poŭny paradak u hetym siehmiencie». Raniej Alaksandr Łukašenka daručyŭ uvieści licenzavańnie ŭ sistemie adukacyi i «začyścić» ŭ joj «usio da niemahčymaści».
